Trajnim i drejtëpërdrejtë

Kohëzgjatja: 18 orë 

Numri i krediteve: 1 kredit

Përshkrim i shkurtër 

Moduli “Vlerësimi i nxënësit bazuar në nivelet e arritjes” trajton kuptimin për vlerësimin në një kurrikul me bazë kompetencat, funksionet që merr vlerësimi dhe llojet e tij. Moduli trajton dy llojet kryesore të vlerësimit në klasë, vlerësimin për të nxënit – formues (i cili kontrollon përparimin gjatë procesit të të nxënit, siguron informacione për shkallën e të nxënit me synim përmirësimin e mësimdhënies); dhe vlerësimin e të nxënit – përmbledhës (i cili përcakton arritjet në përfundim të një kapitulli, semestri apo viti shkollor. 

Përfituesit e këtij trajnimi

• Mësues të arsimit parashkollor;
• Mësues të arsimit fillor;
• Mësues të arsimit të detyruar;
• Mësues të gjimnazit;
• Drejtues të institucioneve arsimore të arsimit parauniversitar;
• Drejtues të rrjeteve profesionale;
• Specialistë të njësive arsimore vendore.

Rezultatet e pritshme

Në përfundim të këtij trajnimi pjesëmarrësit do të jenë të aftë të:

• identifikojnë llojet e vlerësimit dhe karakteristikat e tyre;
• demonstrojnë përdorimin e evidencave për vëzhgimin dhe mbledhjen e informacionit në lidhje me vlerësimin;
• shpjegojnë përmes shembujve përdorimin e instrumenteve të ndryshëm të vlerësimit;
• demonstrojnë vlerësimin e kompetencave mbi bazën e niveleve të arritjeve;
• dallojnë nivelet e arritjes sipas shkallëve;
• identifikojnë nivelet e arritjes sipas kompetencave;
• përcaktojnë rezultatet e të nxënit sipas niveleve të arritjes për një temë mësimore; 
• përdorin instrumente vlerësimi që masin progresin sipas nivelit të arritjeve.

Trajnerë

Dorina Rapti – ASCAP

Erida Koleci – ASCAP