Trajnim i kombinuar

Kohëzgjatja: 18 orë 

Numri i krediteve: 1 kredit

Përshkrim i shkurtër 

Ky modul synon përgatitjen e trajnerëve dhe specialistëve në fushën e vlerësimit që lidhen me aspekte të risive kurrikulare, me qëllim që të ndihmojnë mësuesit në orientimin në këto veçori për t’iu përshtatur risive kurrikulare dhe t’i zbatojë procedurat e vlerësimit në klasë. 

Përmes këtij moduli synohet aftësimi i mësuesit për të kryer një vlerësim transparent dhe paralelisht me të nxënit, po ashtu t’u mundësojë të përgatitin nxënësit që të evidentojnë përparësitë dhe dobësitë e tyre për të nxitur më tej zhvillimin e tyre.

Përfituesit e trajnimit

• Drejtues (drejtorë/nëndrejtorë) të institucioneve arsimore (fillor, dhe/ose arsimi i mesëm i ulët, arsimi i mesëm i lartë: gjimnaz, arsim profesional, shkollë e mesme e orientuar);
• Specialistë dhe trajnerë të vlerësimit.

Rezultatet e pritshme

Në përfundim të këtij trajnimi pjesëmarrësit do të jenë të aftë të:

• kuptojnë lidhjen midis parimeve të të nxënit dhe praktikave të mësimdhënies, që përbëjnë thelbin e të nxënit aktiv në vlerësim;
• zotërojnë aftësi shumë të mira organizuese; 
• demonstrojnë aftësi ndërpersonale shumë të sukseshme dhe të përshtatshme për të punuar me të rriturit; 
• vlerësojnë me efektivitet dhe demonstrojnë standarde dhe etikë të lartë profesionale;
• shpjegojnë rezultatet e vlerësimit të nxënësve duke marrë parasysh kushtet në të cilat janë arritur ato.

Trajner 

Bardhyl Musai