Trajnim i kombinuar

Kohëzgjatja: 18 orë 

Numri i krediteve: 1 kredit

Përshkrim i shkurtër 

Moduli trajton modelet bashkëkohore të drejtimit të shkollës, si institucioni bazë i arsimit në Shqipëri, përkthyer me kontekstin ligjor e rregullator të funksionimit të këtij institucioni. 

Ky trajnim fokusohet me prioritet në ndërtimin, zhvillimin dhe konsolidimin e disa aftësive që në dukje ngjajnë sekondare (soft), por që në vetvete kushtëzojnë dhe ndikojnë në arritjet e shkollës në Shqipëri dhe në rritjen cilësore të proceseve të mësimdhënies. 

Përfituesit nga trajnimi

• Mësues të arsimit parashkollor;
• Mësues të arsimit fillor;
• Mësues të arsimit të mesëm të ulët dhe mësues të arsimit të mesëm të lartë;
• Mësuesit kujdestarë të arsimit të mesëm të ulët dhe arsimit të mesëm të lartë;
• Mësues që zhvillojnë praktikën mësimore në shkollë;
• Drejtues të institucioneve arsimore.

Rezultatet e pritshme

Në përfundim të këtij trajnimi pjesëmarrësit do të jenë të aftë të:

• kuptojnë trendet aktuale të drejtimit të shkollës dhe t’ju përshtaten atyre;
• punojnë në grup dhe të zbatojnë metodën e punës në grup në klasë si formë e metodës bashkëkohore të mësimdhënies;
• realizojnë komunikimin konstruktiv dhe të dyanshëm;
• aplikojnë metoda bashkëkohore të mënyrës së zgjidhjes së problemeve dhe të transformimit të konfliktit për sigurimin e klimës pozitive në klasë e përtej saj;
• vendosin në raport të drejtë mendimin kritik me mendimin krijues;
• kuptojnë, pranojnë dhe zbatojnë Kodin e Etikës në mësimdhënie;
• arrijnë të mendojnë “out of the box”, duke aplikuar aftësi fleksibiliteti, përshtatjeje dhe kreativiteti.

Trajner

Tomi Treska