Trajnim: i drejtpërdrejtë

Kohëzgjatja: 18 orë 

Numri i krediteve: 1 kredit

Përshkrim i shkurtër 

Ky modul fokusohet në marrëdhëniet mësues-nxënës dhe në mënyrën se si ato mund të krijohen për të promovuar arsimin gjithëpërfshirës në shkolla dhe komunitete. 

Moduli nënvizon rëndësinë e ndërtimit dhe fortësimit të marrëdhënieve, punës së përbashkët dhe ndarjes së eksperiencave. Moduli synon t’i bëjë të dukshme marrëdhëniet aktuale profesionale për të lehtësuar reflektimin dhe shkëmbimin e praktikave aktuale të bashkëpunimit. 

Përfituesit e këtij trajnimi

• Specialistë të njësive arsimore vendore;
• Drejtuesit e institucioneve arsimore në arsimin parauniversitar;
• Mësues.

Rezultatet e pritshme

Në përfundim të këtij trajnimi pjesëmarrësit do të jenë të aftë të:

• reflektojnë mbi rëndësinë e komunikimit për marrëdhëniet njerëzore; 
• demostrojnë një të kuptuar më të thellë mbi kufizimet në pjesëmarrje; 
• përdorin pikëpamje të ndryshme për të analizuar kufizimet në pjesëmarrje; 
• zhvillojnë strategji që mund të përdoren për të ekzaminuar kufizimet në pjesëmarrje;
• kuptojnë qëllimet dhe veprimtaritë e një skuadre gjithëpërfshirëse; 
• zbatojnë strategji për të ndërtuar koalicione në komunitetin e shkollës; 
• mendojnë në mënyrë kritike për temat që do të zhvillojnë.

Trajner 

Dorina Rapti, ASCAP

Erida Koleci, ASCAP