Dr. Jola Kepi është një profesioniste e shquar,  me një karrierë të shtrirë në 18 vite përvoje. Prej tyre, 12 vite janë dedikuar shërbimit në Administratën Publike në institucione të rëndësishme si; Ministria e Financave dhe Këshilli i Ministrave, duke përfshirë edhe një praktikë 6-mujore në  Departamentin e OECD, në Bundeskanzleramt, në Vjenë. Ndërkohë, 5 vitet e tjera Dr. Kepi ka dhënë një kontribut të rëndësishëm në sektorin privat, në koncesionarin Gjerman në menaxhim të hapsirave Komerciale në Aeroportin Ndërkombëtar “Nënë Tereza”. E dalluar për etikën dhe profesionalizmin e saj të lartë dhe ekspertizën në menaxhim të decentralizuar të fondeve të BE, Financat Publike, Mbështetje Buxhetore, planifikim strategjik, menaxhim të portofoleve të ndihmës së huaj në Shqipëri, Dr. Kepi karakterizohet nga një përkushtim dhe dedikim  i palëkundur ndaj arritjeve dhe zhvillimit profesional dhe personal si  një përpjekje e vazhdueshme për përmirësim të përditshëm dhe një entuziazëm të pashembullt.

Arritjet akademike të Dr. Kepit janë po aq mbresëlënëse, me fokus dhe e diplomuar me Arsimin Ndërkombëtar me rezultate të dalluara.  Ajo zotëron një diplomë Bachelor në Bankë dhe Financë nga “Eastern Meditarranean University” në Republikën Veriore të Qipros, një Master të dyfishtë në Administrim Biznesi (MBA) nga Universiteti New York Tirana dhe Instituti Universitar “Kurt Borsch” Zvicër ,  një diplomë pasuniversitare të specializuar në Qeverisjen Mjedisore me theks në Bashkimin Evropian nga organizata ndërkombëtare SIDA e Suedisë, si dhe mban gradën Shkencore “Doktor i Shkencave”  në Menaxhim Marketingu nga Universiteti i Tiranës. Dr. Kepi është autore e një sërë  publikimesh  shkencore në nivel kombëtar dhe ndërkombëtar dhe një numër i madh trajnimesh të specializuara nga Universitete presitigjoze si College of Europe, College of Potsdam, institucione si Komisioni Evropian, European Fund for the Balkans etj.

Më 1 Mars 2023, Dr. Kepi ju besua Drejtimi i Shkollës së Drejtorëve nga Bordi Drejtues, duke sjellë ekspertizën dhe përkushtimin e saj të jashtëzakonshëm në zhvillimin e Qendrës. Emërimi i saj është një dëshmi e cilësive dhe arritjeve të saj të larta profesionale, dhe ajo pritet të luajë një rol kyç në suksesin dhe zgjerimin e mëtejshëm të organizatës sonë. Ne jemi të nderuar që e kemi pjesë të ekipit tonë dhe i urojmë mirëseardhje të ngrohtë Dr. Jola Kepit, e cila padyshim do të jetë një aset i vlefshëm për zhvillimin tonë të vazhdueshëm.