Trajnim i drejtëpërdrejtë

Kohëzgjatja: 18 orë 

Numri i krediteve: 1 kredit

Përshkrim i shkurtër 

Ky modul vë theksin te marrja e njohurive shkencore, sipas një spiraleje në cikle të ndryshme të  shkollimit, i cili duhet respektuar, sepse njohuritë janë më të qëndrueshme, kur merren gradualisht, nga teoria te veprimtaritë, në zbatime konkrete, diskutime e ndërtime pajisjesh të reja, sipas kurrikulës së re.

Me anë të këtij moduli pjesëmarrësit, gjithashtu, do të orientohen si të punojnë me nxënësit e talentuar në klube, olimpiada e veprimtari ekstra-kurrikulare.

Përfituesit e këtij trajnimi

• Drejtues dhe mësues të profilit fizikë të institucioneve arsimore parauniversitare në shkolla 9-vjeçare, gjimnaze, shkolla të mesme të orientuara dhe të arsimit profesional, aspirantë për t’u bërë drejtues apo n/drejtues shkollash me deri në tre vite eksperiencë;
• Mësues, drejtorë dhe zv/drejtorë shkolle;
• Drejtorët aspirues (drejtuesit e mesëm);
• Drejtorë të rinj (deri në tre vjet përvojë).

Rezultatet e pritshme

Në përfundim të këtij trajnimi pjesëmarrësit do të jenë të aftë të:

• identifikojnë nevojat e nxënësve, me synim zbatimin e të mësuarit me logjikë dhe mendim kritik;

• krijojnë bashkëpunim mes departamenteve (kualifikim ndër lëndor), rrjeteve të mësuesve të shkencave natyrore, komunitetit të prindërve si edhe bizneseve;

• rrisin cilësinë në testimet mbi bazën e programit;

• përdorin rrugë të thjeshta në procesin mësimor edukativ për lëndën e fizikës, lidhjes ndër lëndore, sipas standardeve zyrtare me matematikën, TIK-n, gjuhët e komunikimin.

Trajner

Universiteti Barleti